مساجلة شعرية بين شخص من ابناء المحافظات الجنوبية وآخر من المحافظات الشمالية حول الوحدة والانفصال.. أولا أبيات صاحب المحافظات الجنوبية.
قال الجنوبي لو تجيبوا لي زحل..
والشمس والمريخ في داخل سلال
وترجعوا الوديان و احواض العسل
والبحر وامواجه تخلونه زلال
يائس من الوحدة وماعندي امل
مليت من كثر التفاوض والجدال
اشتي بلادي لو حصل مهما حصل
فالعيش بالوحده مع صنعاء محال
والله لو راسي عن الجسم انفصل
وخيروني العيش لاعلن الانفصال
غير الجنوب الحر ماقبل اي حل
مافي تفاوض تحت حكم الاحتلال
*** *** *** *** ***
وهذا الجواب..
*** *** *** *** ***
ياذي صبرتي عقد كامل مكتمل
زيدي سنة بايصلح الله العيال
لو كنت يااحمد داري ايش قال المثل
ماقلت قولك بعد قوله يوم قال
الحال واحد والزعل نفس الزعل
واللي حصل عندك حصل عند الشمال
واحنا السبب ياصاحبي فيماحصل
كنا نبيع اصواتنا بلفين ريال
والمال يااحمد يجعل الناقة جمل
ويشجع اهل الظلم واصحاب الضلال
لاتظلم الوحدة بحكمك يابطل
وكون داعي سلم لا داعي قتال
العيب مش فيها ولافيها خلل
والله ان العيب في بعض الرجال
ياعبد ربه شوف زامل ذي زمل
الجحشي احمد صاحبك يا ابو جلال
وانظر جوابي ذي كتبته في عجل
مش خوف والا عجز في هذا المجال
لكنني مااحب دوار الشغل
يشهد عليا خالق السبع الثقال
أعطيتهم نصف الوظايف والعمل
وحقدهم ضدي وضدك مايزال
احنا ندور حل ونداوي العلل
وصاحبك يبغى رحيل الاحتلال
أما وعقلت الذي ماقد عقل
والا فجوبنا على قدر السؤال
أقسم بربي لخرج الغاوي عطل
وانا لها في سلم والا في قتال
دولة فقط ياذي تقول احنا دول
أبعد عليك من الثريا والهلال
مهما تحاول مستحيل انك تصل
هذا الحقيقة وانت تحسبها خيال
