.jpg "Image")
لم تكن مشكلة الزواج العرفي بمصر وليدة اللحظة ،ولم تقتصر على فئة معينة من المجتمع لكنها شملت فئات
عديدة ، فهي مشكلة تكبر.. وتنتشر يوماً بعد آخر ، وتتفاقم كلما تفكك الترابط الأسري بجانب التدني الأخلاقي ؛ وقلة الوعي الديني ، فمن منطلق كل هذا يخرج من تحت عباءة المجتمع قنبلة الزواج العرفي .
"الاستثمارنت " وكالعادة بتطرقه إلى الملفات الساخنة الأكثر أهمية في حياتنا اليومية ، أكان ذلك في العلوم أو الاقتصاد أو غير ذلك من القضايا المعاصرة التي تشغل وستشغل المجتمعات في العالم أجمع .. وقضية الزواج العرفي من تلك القضايا الشائكة في المجتمعات العربية .. بل من المشاكل المستعصية .. المعقدة نتيجة لما يعود آثارها على الضحية والجلاد .
وفي هذا الشأن ؛ صادفت شاباً عربيا وتحديدا مصري الأصل والجنسية؛ قال أنه تزوج من "13" فتاة عرفياً.. فأحببت أن أعرف تفاصيل زواج كل مرة عن كيف حدث ذلك ، والذي يرويها لنا بنفسه في السطور تالية الذكر ...، كشف عن أسباب إقدام الكثير من الشباب والشابات على الزواج العرفي ، من أعظمها اعتداء الأخ الشاب على أخته ، وإغفال الأسرة عن متابعة بناتهن ... في نهاية ذلك يضعنا أما م مشكلات وأسباب الزواج العرفي .. وإليكم حصيلة الحوار..
كان بداية الحوار سؤالي عن بطاقته التعريفية .. والذي رد مجيبا " الأسم : حسام حسنين ، السن : 27 سنه ، المؤهل : متخرج من كلية الآداب " .
فدخلت مباشرة معه في التفاصيل أكثر ..
ماذا عن أول حكاية لك مع الزواج العرفي ؟
أنا حكايتي بدأت أني حبيت بنت الجيران ؛ " حب مالوش وجود" 7 سنين بنحب بعض.. بس أهلها رفضونى ، وكانوا هما العقبة... بالأخص أخوها؛ "لأني كنت شقي زي أي شاب" فخافوا على بنتهم ، بس أنا مستسلمتش بسهوله وفكرت بالزواج العرفي علشان أحطهم أمام الأمر الواقع . وهل هي وافقتك ..؟ هي رفضت في الأول ... بس أقتنعت بعدها أنه ممكن يكون حل وأهلها يوافقوا ، وأستمر 4 شهور ..، كانت قاعدة معاية بشقتي، ولما راحت لأهلها تزورهم ؛عرفوا أنها أتجوزت "فضربوها جامد " ووصل الأمر إلى أنهم كهربوها .. وغصبوا عليها تتجوز أبن عمها , وأنا روحت لعندهم تاني كمحاوله تانيه لكنهم رفضوا وقالوا لي: لو هي وافقت هنجوزهالك , وسألتها أنتى موافقه تتجوزيني ..؟ وجاوبتني برصاصة دخلت جوة قلبي " لا ".
ولما جات صدفه وقابلتها عرفت أن رفضها كان نتيجة الضغوط اللى حواليها والأغرب أن أبن عمها عرف أنها أتجوزت عر في مني ووافق يتجوزها، وطلبت مني أقطع ورقه الجواز لأن فرحها بعد أسبوعيين قطعتها بس بعدها تركت المنطقه اللي ساكن فيها فتره علشان أنسى ، وهي الآن أم لبنت وولد سميته على أسمي وكانت ديه نهاية أول تجربه ليه مع الجواز العرفي.
الزواج بالدم
كيف كانت قصة الثانية معك...؟
بصراحه تاني بنت أتجوزتها كانت بتشرب سجاير معاية وبنشرب برشام وحشيش ،كنا مع بعض من الجامعه ومستواها كان مرتاح وحريه في كل شيء .
كيف تم الزواج ...؟
الشىء الغريب أنها طلبت مني نتجوز "بالدم" لأنها نامت معايه أكتر من مره من غير جواز ، بس أنا مقتنعتش بحكاية جواز الدم حسيت أنها هبل؛ العرفي مقنع شويه عن الدم على الأقل في ورقه بينا.
ماذا يعني الزواج بالدم .. وهل تم ذلك ..؟
الزواج بالدم عبارة عن أني أنا وهى نخلط دمنا ببعض وبيكون عبارة عن فتح أصبعنا بدبوس وخلط دمنا ببعض .. ولم نتزوج بذلك ، بل تجوزنا عرفي فقط .
وهل تركتم بعض ...؟
أيوة .. بعد"3" أسابيع تقريباً ؛ أنا بعد ما شفت زميلتها وأعجبت بيها هي لاحظت وبقينا نتخانق فسبتها ،ومن هنا دخلت فى قصة جواز ثالثة .
الثالثة كانت صديقة الثانية
وكيف بدأت ..؟
بعد ما أعجبت بيها ومشينا مع بعض تطور الأمر أنها طلبت مني نتجوز عرفي ؛ كنت معروف في الجامعه بأني كازنوفا لأني كل يوم مع بنت شكل ، وهي طبعاً مستوى مرتاح ومن نوع بتلزق طوابع على جسمها؛ ومعظم اللى عرفتهم مستوى منفتح ومرتاح بس اللي ناقصهم أهل يهتموا ويسألوا عليهم يعني اللى والدها مسافر على طول ، واللي محبوسة في البيت وبتحاول تهرب من ضغط أهلها واللي عندها شذوذ نتيجة أعتداء أخوها عليها وهي طفله . .jpg "Image")
هل دائما يأتي الطلب من البنت ..؟
هقولك أنا على حاجه هو مش سهل أن بنت تطلب من شاب أنهم يتجوزوا عرفي , وكانت أي بنت بترفض بشده ؛ لكن طبعاً كنت بأسلوبي بحاول أقنعها توافق ويجي الطلب منها وكنت بتعب جداً في أقناع أي بنت ؛ علشان لما أسيبها مفيش أي بنت تحملني المسئوليه لأنها هي اللى طلبت .
وكيف أنتهى الزواج الثالث ..؟
بعد 5 أيام زهقت منها لانها كان مجنونه مش عاقله ، فكنت بعمل أي خلاف و طلقتها وقطعنا الورق .
زوجتين في نصف ساعة
ماذا عن الزواج الرابع ..؟
كانت أغرب وأقصر قصة زواج عرفي مريت بيها ، سمعت عني وعن قصصي مع البنات وجات أتعرفت عليه وقالتي حابه تجرب الزواج العرفي ، أتجوزتها نصف ساعه دخلت عليها وبعدها سبتها وقطعنا ورقة الزواج .
وكان شعورها أيه وقتها ...؟
عادي كانت مبسوطه وهي معايه ولما سبتها "عيطت" وندمت وقالت لي هعمل أيه ؛ قولت لها هو أنا غصبتك على حاجه ؟ ... كله بمزاجك .
كيف جاء الزواج الخامس...؟
كان زي الرابعه بس كانت بنت مالهاش شخصية لقيتها جاي وجيبالي هديه ومشينا مع بعض وحكيتلي أنها سمعت عني من صديقاتها فحبت تتعرف عليه ؛ وأنتهت زى الرابعه بعد نصف ساعه جواز .
حب أمتلاك
لماذا أطلقت على ر قم 6 حب امتلاك ..؟
لأنها كانت تقريباً عندها مرض نفسي وهو حب أمتلاك الشىء لنفسها ، وتعمل أي شىء علشان توصل لهدفها حتى لو على حساب شرفها ؛ ولما سمعت قصتي مع البنات المفروض تاخد حذرها زي أي بنت ؛ لكني تفجأت بها بتتعرف عليه وبتفكر تاخد اللى كل البنات بتحكي عنه لنفسها .
وفعلاً أتجوزنا عرفي لمدة شهر ونصف وعاشت وقتها معايه في بيتي ، وكالعادة كنت لما أزهق أخلق أي مشكله وخناقه علشان أسيبها وسبتها بعد خناقه ، لأني كنت مشغول مع بنت تانيه .
هل أهلها كان يعرفون ذلك .. وأين كانوا ..؟
كانوا مسافرين برة مصر وبيرسلولها كل شهر فلوس كتير ، فكانت بتشرب وبتسهر وبتعرف شباب ونتيجة دة أتجوزتها وأكتشفت أنها مش بنت بنوت ، كانت متجوزة قل كدة .
دلوعة لكنها شاذة
واستمر بالسرد السريع ، وكان يطلق على كل واحدة لقبا، فأتدخل بالاستفسار ، ولم يبخل علينا بتوضيحه أسباب ذلك .. فواصلت أسئلتي .. عن كيفية كانت البداية ... .jpg "Image")
كيف بدأت قصتك مع الدلوعة ...؟
كانت بنت دلوعة وجميله وواثقة من نفسها وحبينا بعض حب زائف حب وقت أنحراف مني ومنها ومشكلتها كانت أنها عندها شذوذ جنسي ؛ لأنها وهي صغيرة أخوها أعتدى عليها وبقي يعمل معها الشىء ده فأصبحت عندها مشكلة أنها بتعمل أي شىء في سبيل المتعه حتى لوتدفع فلوس أو تتجوز عرفي المهم ترضي غريزتها الجنسية ، وأتجوزنا عرفي تحت مسمى الحب ، وبعد شهر سبنا بعض لأنها خرجت ولم أعرف أين ذهبت وبعد ما أطلقنا عرفت أنها راحت تزور أهلها لأنها كانت عايشه معاية .
هل أهلها كانوا على علم بزواجكم ..؟
لا طبعاً.. بس هي كانت من نوع اللى بتسيب البيت كتير كل لما تتخانق مع أهلها ومفيش حد منهم بيسأل عليها لما تسيب البيت هي بترجع لوحدها ، وعرفت بعدين أنها كانت متجوزة قبلي مرتين عرفي بس كانت بنت وقت ما أتجوزتها .
بنت الأكابر .. والرهان
بنت تعرفت عليها في "جراند مول المعادي" كانت مع صحابتها وانا أيضاً؛ وأترهنت معاهم أني أمشي معها ، ومخرجتش من " المول " إلا وأيدي في أيدها ومشينا مع بعض فتره ؛ وكانت بنت ناس أوي كان أبوها رجل أعمال كبير بالمعادي .
وحكيت لها أني أتجوزت عرفي قبل كده وبعرف بنات كتير ، فطلبت مني نتجوز عرفي من باب التجربة وكانت هذه رقم ثمانية .
بس المفاجأه !! أنها كانت متجوزه وأطلقت بعد أسبوع لأنها ضربت جوزها فطلقها لأنها متكبرة شويه .
أتجوزتها بس خدت حذري منها بعد أول يوم جواز ضربتها عقله عمرها ما خدتها في حياتها وكسرتها قبل ما تعمل فيه زي جوزها .
وبعد 7 شهور جواز سبتها لأنها كانت عصبية جداً وحسيت أنها مكسورة قدامي بعد ما ضربتها لأنها بنت العز والأكابر اللي مفيش حد يقدر يبصلها برمش عينه أضربت وأنكسرت .
تطورت بينا المشاكل وجاء يوم أتخانقنا لدرجة ضربتها ضرب كانت هتموت فى أيدى قولت لها روحي لحالك أحسن ما تجبيلي مصيبه ، وطلقتها وبعد فترة أتجوزت تاني .
التاسعة .. تجربة مع الإجرام " من خارج الحدود "
كيف بدأت تجربتك ...؟
بدأت لما سافرت مع زميلي إلى لبيا زيارة ، وأنا في الفندق أتعرفت على بنت من بنغازي أكبر عائلة فى لبيا ، وحكتلي أنها هربت من أهلها ومعها دهب وفلوس كتير ، فالشيطان لعب بدماغي أني أتجوزها عرفي وأخدها في فندق في مصر وأخدرها وأسرق فلوسها ودهبها وأخد الورقه العرفي أقطعها وهي تتصرف في حياتها ، لأن وقتها كل اللي همني أزاي أخد الدهب والفلوس .
ما هو سبب هروبها... ؟ وكيف تم الزواج...؟
هربت من أهلها لأنها غلطت مع شاب سوداني وأصبحت عار على أهلها فهربت لأن أهلها عايزيين يقتلوها أنا وقتها خططت أزاي أقنعها بالزواج العرفي فأقنعتها أننا نتجوز عرفي ووافقت بصعوبه بعد ألحاح مني ؛ وأتجوزنا في الفندق في لبيا وهي نايمة أخدت الدهب أكشف عليه وأكتشفت أنة فلصوة مش حقيقي فقولت ألعب على الفلوس فحطيت لها منوم بالعصير وهي نايمة على الفجر أخدت منها 450 ألف دينار.
وقطعت ورق الجواز العرفي ، ونزلت على مصر وهى أتصلت بيه بعد كدة قولت لها أنى أتقبض علية ورحلوني لمصر وأخدوا الفلوس وأقتنعت بكدة لأني قولت لها لو عايز أسرقك كنت أخدت الدهب .
وأنتهت القصه على كده وهي مقتنعه أني أتقبض علية وأترحلت لمصر ، وكنت أول مرة أجرب الإجرام والسرقه وجربتهم ... أما العاشرة هي النظارة السوداء ..
النظارة السوداء ، واعتداء شباب منطقتها
لماذا هذا الأسم ...؟
لأن البنت صاحبة الأسم كانت مغرورة جداً وبتنظر للناس بقرف ، فحبيت أتجوزها من أجل كسر غرورها ومناخيرها فقط .
وكيف تم الزواج ...؟
قررت يوم أجرب أركب المواصلات والميكروباص زي الناس وأترك سيارتي ، فركبت الميكروباص بأخر كرسي ، وكانت هي جالسه أمامي وكل شويه ألقيها تبصلي من غير ما تخليني أخد بالي من تحت النظارة السوداء وتحس الناس أني أنا اللى بنظر ، فخططت أدخل لها من أي مدخل .
وكيف دخلت ..؟
من الكرسي قولت لها ممكن أقعد جنبك فقالتلي : أتفضل.. وبعد ما قعدت روحت بدأت أنفذ خطتي وقولت لها أنا معجب بيكي بصراحه وشكلك شخصية كويسه لقيتها وشها أحمر جامد من كلامي وقعدنا نتكلم والناس تتفرج علينا وعرفت منها أنها متعلمة تعليم أساسي فقط ومن أسرة فقيرة بمنطقة شعبية رغم غرورها الجامد .
ونزلت ورآها من الميكروباص وقعدت أكلمها متردش عليه لحد لما وصلنا عند بيتها راحت رفعت صوتها عليه وقالتى ( في أيه يا روح أمك تحب أشبشبلك ) روحت ضربتها بالقلم على وجهها ومن هنا بدء القتال وشباب منطقتها وأخوها ضربوني وطبعاً الشعب المصري بيحب يجامل أوي ، فدخلت المستشفى بعد الضرب جسمي بقى كله كدمات من الضرب بس مستسلمتش خرجت وروحت عند بيتها قعدت طلبوا الشرطة ولا همني جاء الشرطي سالني بتعمل أيه قولتله كنت ماشي ورجلي وجعتني ريحت وجلست هنا هو حرام فقالي لا وسابني . 
وبعد ذلك ..؟
تاني يوم روحت بعربيتي عند بيتها وسبتها بعيد وفضلت واقف بعد خمس سعات لقيتها نزلت روحت تركت السيارة وركبت الميكروباص اللى ركبت فيه وهي قاعده قولتلها ( لسه قلبك أسود )..؟ فالكلام بدأ تاني بينا ونزلت معايه مشينا على الكورنيش وأتكلمنا وأقنعتها نتجوز عرفي وافقت بسهوله .. لأني قولت لها هتقدم لأهلك نتجوز ، بس كان جواز على ورق بس علشان أكسر أنفها وغرورها ونفذت اللي في دماغي وكسرت غرورها ، ومحبتش أضرها لأنها بنت محترمه مش بتاعت جواز عرفي وحجات زي كده ، وطلقتها بس الورق كان معايه وظنيت أني مقطعتهوش وسألتني لأنها أتجوزت وروحت أعطتها هديه هي وجوزها علي أساس أني أخو صاحبتها ، بس من البدايه حبيت أكسرها فقط .
أربعة شهور لذات الأربعين الفاتنة ، وشهر لأختها
من تكون هذة المرأه..؟
هي سيدة عرفتها صدفه وانا بزور واحد صاحبي كذا مرة بمنزله في الجيزة ، ففي أحد المرات دخت عنده وأنا بزوره وقالت حد يعرف يصلح الغسلات لأن غسالتي عطلت فعملت نفسي أبو العريف وقولتلها أنا أعرف ؛ ودخلت عندها أشوف الغساله ولقيتها لابسه لبس خفيف جداً كان موضح مفاتن جسمها علي الرغم من أنها كانت عندها 43 سنة وأرمله مش شابه يعنى وكانت بتقرب مني وأنا بشوف الغساله فوقعنا أنا وهي فى المحظور .
وكانت هذه الواحدة بعد العاشرة . 
ومالذي حصل بعدها..؟
بعدها زميلي لاحظ أني بتردد عليها كتير وبدخل عندها ، فأقترحنا نتجوز عرفي علشان معاش جوزها مينقطعش ولأنها كمان مش بتخلف ، وأضطريت أعرف زميلي وأهله أني متجوزها عرفي علشان كلام الناس ، وبعد 4 شهور سبتها ؛ بس خلال فترة زواجنا شفت أختها وعجبتني فطلبت منها بعد طلقنا أتجوز أختها فوافقت وأتجوزتها عرفي وكانت مطلقة وعندها عيال جوزها طلقها لأنه مسكها في بيت مشبوه وبعد شهر سبتها وكانت ديه الزوجه ال12 قبل الأخيرة وكانت طبعا هذه رقم 12.
متعة الخمر مع جميلة النادي
كانت أجمل بنت في نادي الصيد عرفتها عندما كنت بذهب مع صديق لي بالنادي وفي أحد الأيام كانت شاربه ومسطوله وبترقص بالنادي وجات قالتلي بحبك لأنها طبعاً مش في وعيها خالص ؛ وكانت زميلة البنت بتاعت المعادي اللي أتجوزتها وتعرف حكياتي ، وكانت من البنات الروشه أووى فطلبت مني نتجوز عرفي كتبنا بالنادي ورقة عرفي وروحنا مع بعض عندي ولما طلع الصبح وفوقنا من تأثير الخمرة والحشيش كل واحد راح لبيته ، وكانت ديه أخر قصة زواج عرفي ومن بعدها قررت متجوزش عرفي تاني .
حكاياتي دروسا للشباب .jpg "Image")
لأني عرفت أن كل اللي عملته دة غلط مش صح ،معاصي بترتكب تحت مسمى زواج عرفي وحياة ضياع ودمار ؛ وأنا حكيت كل قصصي علشان تكون درس وعظة لأي بنت وأي شاب ، للبنت أنها تحذر من ألعيب الشباب وحيالهم ، والشاب أنه طريق الجواز مفهوش أي فائدة له عبارة عن تسلية حرام ، والأهم من كل دة دور الأسرة والتوعيه للشباب من حياة الضياع والإنحراف .
عشنا رحله مع شاب عاش الزواج العرفي بأشكال متعدده وكل القصص عندما نركز في تفاصيلها نجد السبب الرئيسي لها واحد غياب الأسرة والتوعية للشباب ؛ فنحن دائما ً نقول السبب هو من الشباب سواء البنت أم الولد ، فالمجتمع بحاجة إلى ترابط أسري وتوعيه دينيه وأخلاقيه ، فالزواج العرفي لا يقتصر على فئة الشباب فقط ؛ فأصبح الأن بين كبار السن تحت أسباب معينة بين الطرفين ، فالحل بالنهايه يبدأ من الأسرة التي تضع البذرة بالأرض الصالحه وترعها وتسهر عليها حتى تكبر على مبادىء وقيم وأخلاق ودين . وفي النهاية أشكر ضيف حوارنا لما أتاحه لنا من وضع أعيننا على صورة من الواقع الذى نتعايشة .
ملاحظة :
---------
ما أسلفته لم يكن من نسيج الخيال ، أو التأليف المكتوب لقصد الشهرة ، بل أجريت الحديث مع الشخص الذي ذكرت اسمه سلفاً حتى لا تكون هناك أي شائبة .. أو يقول أن ما ذكرته مبالغاً فيه ..
